RYNEK PRACY dla pracowników migrujących

Við leitum að öflugum vörustjóra í spennandi uppbyggingu á kröfuþjónustunni okkar. Viðkomandi þarf að hafa brennandi áhuga á vöruþróun, djúpa þekkingu á þörfum markaðarins og skilning á hvernig gögn munu knýja framtíð fjármálaþjónustu. Sem vörustjóri í kröfuþjónustu tekur þú mikla ábyrgð í umsvifamestu vöru fyrirtækisins og hefur tækifæri til að hafa veruleg áhrif á framtíð þess og markaðarins sem það starfar á.

Starfið er á sviði vöru- og verkefnastýringar sem í dag stýrir m.a. Motus kröfuþjónustu, kröfukaupum og Pei fjármögnun.

Motus er á spennandi vegferð sem miðar að því að finna nýjar leiðir til að styrkja gæði kröfuþjónustu, svo hún verði ómissandi þáttur í vexti og viðgangi fyrirtækja á landinu öllu. Hlutverk Motus er að koma fjármagni á hreyfingu á hagkvæman, nútímalegan og aðgengilegan hátt. Við beitum til þess nýjustu tækni og sérþekkingu og leitum stöðugt hagkvæmustu lausna í þágu viðskiptavina og samfélags.

Helstu verkefni og ábyrgð

Skapa kröfuþjónustu- og innheimtulausnir sem hafa áhrif og stuðla að vexti fyrirtækisins til komandi ára
Ábyrgð á stýringu og arðsemi vara
Ábyrgð á því að ítra og raungera vörusýn og stefnu til samræmis við langtíma sýn og markmið Motus
Vinna með hagaðilum og viðskiptavinum til að finna tækifæri til virðissköpunar
Vinna með teymi sérfræðinga, vörustjóra, verkefnastjóra, UX hönnuði, hugbúnaðarsviði og öðrum hagaðilum við að skilgreina verkefni til framleiðslu
Virkur þátttakandi í gerð árlegrar viðskiptaáætlunar fyrirtækisins
Hæfniskröfur

Reynsla og þekking á sviði vörustýringar og þróunar á stafrænum lausnum
Háskólamenntun sem nýtist í starfi
Færni í greiningu gagna og gagnadrifinni ákvarðanatöku
Góð hæfni í samskiptum og teymisvinnu
Leiðtogahæfileikar, frumkvæði og þrautseigja
Skipulögð og öguð vinnubrögð
Umsóknarfrestur er til og með 13. nóvember 2023

Frekari upplýsingar veitir Styrmir Kristjánsson forstöðumaður vöru- og verkefnastýringar í E-mail.

Um Motus:

Motus er leiðandi fyrirtæki á sviði kröfuþjónustu. Hlutverk Motus er að stuðla að hreyfingu fjármagns með skilvirkni að leiðarljósi. Hjá Motus starfar fjölbreyttur hópur fólks sem leggur sig fram um að starfa af heilindum og fagmennsku. Jafnrétti, jákvæð samskipti og gagnkvæm virðing eru grundvöllur starfseminnar og við leitumst stöðugt við að finna nýjar leiðir til að styrkja sem mest gæði kröfuþjónustu svo hún verði ómissandi þáttur í vexti og viðgangi fyrirtækja. Við gætum fyllsta trúnaðar við vinnslu starfsumsókna og persónuupplýsinga.

Upplýsingar fyrir umsækjendur
Við leitum að öflugum vörustjóra í spennandi uppbyggingu á kröfuþjónustunni okkar. Viðkomandi þarf að hafa brennandi áhuga á vöruþróun, djúpa þekkingu á þörfum markaðarins og skilning á hvernig gögn munu knýja framtíð fjármálaþjónustu.